ខេត្តកែប៖កាលពីវេលាម៉ោង៥និង១០នាទីល្ងាច ថ្ងៃទី១៧ ខែសីហា ឆ្នាំ២០១៨ម្សិលមិញនេះ មានករណីភ្ញាក់ផ្អើលមួយបានកើតឡើង ខណៈម្ចាស់ផ្ទះជួយឆោឡោដោយសារជនបរទេសម្នាក់ដេកស្លាប់ក្នុងផ្ទះជួលរបស់ខ្លួនដោយមិនដឹងមូលហេតុ។សូមជំរាបដែរថា៖ហេតុការណ៍ភ្ញាក់ផ្អើលខាងលើបានកើតឡើង ត្រង់ចំណុចផ្ទះជួយមួយកន្លែងស្ថិតក្នុងភូមិថ្មី សង្លាត់ព្រៃធំ ក្រុងកែប ខេត្តកែប។បើតាមប្រភពព័ត៌មានពីម្ចាស់ផ្ទះឈ្មោះ យ៉ាវ ពេន ភេទប្រុស មុខរបរកសិករ រស់នៅក្នុងភូមិកើតហេតុខាងលើ បានឲ្យដឹងថា៖ជនបរទេសដែលស្លាប់នេះ ទើបតែមកជួលផ្ទះរបស់គាត់ស្នាក់នៅបានតែ២ថ្ងៃប៉ុណ្ណោះ ដោយបុរសបរទេសរងគ្រោះ បានមកជួលស្នាក់អាស្រ័យ នៅវេលាម៉ោង៤រសៀល ថ្ងៃទី១៥ខែសីហា ឆ្នាំ២០១៨ ក្នុង១ខែតម្លៃ១៥០ដុល្លារ ហើយក៏មិនទាន់បានបំពេញឯកសារ និងថតលិខិតឆ្លងដែននៅឡើយទេ។ម្ចាស់ផ្ទះបានបន្តថា៖ការប្រទះឃើញជនរងគ្រោះស្លាប់នេះ ដោយសាររូបគាត់មិនឃើញបុរសរងគ្រោះចេញមកអង្គុយលេងនៅមុខផ្ទះដូចរយៈពេលមុនទើបទៅអើតមើលតាមមាត់បង្អួច ក៏ឃើញជនបរទេសរូបនោះដេកមិនកម្រើកសោះ ទើបរាយការណ៍ប្រាប់សមត្ថកិច្ចតែម្តង។ទាក់ទិននឹងករណីបុរសជនបរទេសស្លាប់ខាងលើ សមត្ថកិច្ចដែលកំពុងធ្វើកោសល្យវិច័យសព បានឲ្យដឹងថា៖ជនបទេសដែលស្លាប់ខាងលើមានឈ្មោះ ECHTERNACHT FRIEDRICH WILHELM អាយុ៥១ឆ្នាំ ជនជាតិអាឡឺម៉ង់ មុខរបរអ្នកទេសចរណ៍ កាន់លិខិតឆ្លងដែនលេខ C2UK33NHID<<6709246M2802149<<< ចំពោះការត្រួតពិនិត្យនៅលើខ្លួនសពគឺគ្មានអី្វគួរឲ្យសង្ស័យនោះទេ ដោយជនរងគ្រោះបានបន្សល់ទុកនូវកូនកាបូបមួយមានប្រាក់ដុល្លាចំនួន$50និងប្រាក់រៀលចំនួន៤៥៩០០៛ ម៉ាស៊ីនថតមួយគ្រឿង ទូរស័ព្ទម៉ាក ហូវៃមួយគ្រឿង រួមនិងលិខិតឆ្លងដែនផងដែរ។ក្រោយពីត្រួតពិនិត្យសមត្ថកិច្ចបានសន្និដ្ឋានថា៖ជនបរទេសនេះស្លាប់បណ្តាលមកពីជំងឺគាំងបេះដូង ខណៈដែលជនរងគ្រោះផឹកស្រាច្រើនហួសកម្រិត។បច្ចុប្បន្នសពជនបរទេសត្រូវបានសមត្ថកិច្ចកំពុងទំនាក់ទំនងទៅខាងស្ថានទូតឲ្យមកទទួលដើម្បីប្រគល់ជូនទៅក្រុមគ្រួសារនៅប្រទេសអាឡឺម៉ង់៕
ព័ត៌មានគួរចាប់អារម្មណ៍
ក្រសួងសុខាភិបាលរកឃើញមនុស្សប្រុសស្រី២នាក់ ជាប្រភពចម្លងដំបូងនៃ «ព្រឹត្តិការណ៍សហគមន៍ ២៨វិច្ឆិកា» (អគ្គនាយិកា 076 800 6666)
បែកធ្លាយមន្ត្រីនគរបាលអន្តោប្រវេសន៍ ប្រចាំច្រកទ្វារភ្នំដី បើកឲ្យនាំចូលឆ្អឹងមាន់ថៃនិងមាន់ជជុះជាច្រើនរយគីឡូ មកលក់នៅផ្សារខ្មែរ (អគ្គនាយិកា 097 5454 093)
ចៅហ្វាយក្រុងភ្នំពេញ ព្រមានចាត់វិធានការចំពោះតៃកុងឡាន ដែលដឹកនាំអ្នកដំណើរបរទេសពីព្រលានយន្តហោះ ហើយទម្លាក់តាមផ្លូវ ដោយមិនរង់ចាំលទ្ធផលធ្វើតេស្ត (អគ្គនាយិកា 097 5454 093)
គណៈប្រតិភូសភាកម្ពុជា បានចូលរួមកិច្ចប្រជុំគណៈកម្មាធិការនានា AIPA លើកទី៤១ ជាធាតុចូលក្នុងការបម្រើផលប្រយោជន៍ប្រជាពលរដ្ឋ (អគ្គនាយិកា 097 5454 093)
អេស្ប៉ាញ ក្លាយជាប្រទេសទី១ក្នុងតំបន់អឺរ៉ុបខាងលិចដែលមានអ្នកឆ្លងជំងឺកូវីដ១៩សរុបកន្លះលាននាក់ (អគ្គនាយិកា 097 5454 093)
វីដែអូ