ថ្ងៃសុក្រ ទី២១ ខែកុម្ភៈ ឆ្នាំ២០៥០
កម្មវិធីទូរទស្សន៏ មរតកខ្មែរ ( MDK TV online ) អគ្គនាយករងការផ្សាយ លោក គតិយុត្ត 097 33 11 660 / 096 33 11 600 ___ប្រធានរដ្ឋបាល លោក សុខ តារា 012 29 23 78 / 015 29 23 78 / 097 96 36 186 --ទំនាក់ទំនងផ្សាយពាណិជ្ជកម្ម 016 29 23 78 / 066 29 23 78 / 069 29 23 78 / 098 29 23 78 សូមអគុណ
ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានកោតសរសើរ និងវាយតម្លៃខ្ពស់ចំពោះលទ្ធផលការងាររបស់សមាគមអតីតយុទ្ធជនកម្ពុជា ខេត្តឧត្តរមានជ័យ
Sat,07 December 2019 (Time 05:19 PM)
ដោយ ៖ សហការី (ចំនួនអ្នកអាន: 39នាក់)

ខេត្តឧត្តរមានជ័យ ៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក អញ្ជើញជាអធិបតីភាព ក្នុងពិធីសំណេះសំណាលចែកផ្ទះជូនសមាជិកសមាគមអតីតយុទ្ធជនកម្ពុជា និងសម្ពោធដាក់ឱ្យប្រើប្រាស់ស្រះទឹកតេជោអភិវឌ្ឍន៍ នៅតំបន់សម្បទានដីសង្គមកិច្ច ឃុំចុងកាល់ ស្រុកចុងកាល់ ខេត្តឧត្តរមាន​ជ័​យ នាថ្ងៃសុក្រ១០កើត ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៦ ខែធ្នូ  ឆ្នាំ២០១៩ ។

ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោកបាន កោតសរសើរ និងវាយតម្លៃខ្ពស់ចំពោះលទ្ធផលការងាររបស់សមាគមអតីតយុទ្ធជនកម្ពុជា ខេត្តឧត្តរមានជ័យ ដែលក្នុងរយៈកាលកន្លងមកនេះបានខិតខំសម្រេចបាននូវស្នាដៃ និងសមិទ្ធិផលជាច្រើន ជាការចូលរួមចំណែកជាមួយរាជរដ្ឋាភិបាលលើការងារអតីតយុទ្ធជន ដោយបានជំរុញការបម្រើសេវាឧបត្ថម្ភគាំទ្រឱ្យកាន់តែកៀកជិតអ៊ំពូមីងអតីតយុទ្ធជនតាមរយៈយ​ន្ត​កា​រថ្នាក់ជាតិ ខេត្ត និងស្រុក ក្នុងនោះរួមមានការងារបេឡាមរណៈ និងការប្រគល់សម្បទានដីសង្គមកិច្ច និងសាងសង់ផ្ទះ ចែកជូនអតីតយុទ្ធជន និងគ្រួសារអតីតយុទ្ធជន ដែលគ្មានដី គ្មានផ្ទះសម្បែង ក៏ដូចជាការងារកសាងហេដ្ឋារចនាសម្ព័ន្ធផ្សេងៗទៀត បម្រើឱ្យជីវភាពរស់នៅសមរម្យរបស់អ៊ំពូមីងអតីតយុទ្ធជន និងគ្រួសារ ។

រាជរដ្ឋាភិបាលតែង បានផ្តោតការយកចិត្តទុកដាក់ខ្ពស់ និងតាំងចិត្តជាប់ជានិច្ចក្នុងការលើកកម្ពស់ជីវភាពរស់នៅរបស់អុំពូ​មីង អតីតយុទ្ធជន តាមរយៈការអនុវត្តនូវគោលនយោបាយលើកទឹកចិត្តផ្សេងៗ ដូចជាការកែសម្រួលដំឡើងជាបន្តបន្ទាប់នូវប្រាក់របបគោលនយោបាយឱ្យស្របតាមកំណើនសេដ្ឋកិច្ចជាតិ និងការដំឡើងប្រាក់បៀវត្សរបស់មន្ត្រីរាជការ និងកងកម្លាំងប្រដាប់អាវុធ, ការផ្តល់សេវាថែទាំសុខភាពសម្រាប់អតីតយុទ្ធជនក្នុងការពិនិត្យ និងព្យាបាលជំងឺដោយមិនបង់ប្រាក់នៅតាមមន្ទីរពេទ្យសាធារណៈ និងមន្ទីរពេទ្យឯកជន តាមរយៈ ប.ស.ស, ការកំណត់យកថ្ងៃ ២១ មិថុនា ជារៀងរាល់ឆ្នាំ ជា “ទិវាអតីតយុទ្ធជនកម្ពុជា” ដើម្បីរំឭកដល់គំរូវីរភាពដ៏មោះមុត និងគុណបំណាច់ដ៏ធំធេងរបស់អតីតយុទ្ធជន និងការផ្តល់សម្បទានដីសង្គមកិច្ច និងសាងសង់ផ្ទះជូនដល់អតីតយុទ្ធជន និងគ្រួសារអតីតយុទ្ធជន ដែលត្រូវបានធ្វើជាជំហានបន្តបន្ទាប់ តាំងពីដើមរៀងមក និងក្នុងពេលបច្ចុប្បន្ន ព្រមទាំងតតទៅអនាគតផងដែរ។

ឯកឧត្តម ឧត្តមសេនីយ៍ឯក ហ៊ុន ម៉ាណែត បានបន្ថែមទៀតថា ការគិតគូរយកចិត្តទុកដាក់អំពីសុខទុក្ខរបស់អុំពូមីងអតីតយុទ្ធជន គឺជាការបញ្ជាក់អំពីភាពកត្តញ្ញូដឹងគុណ ចំពោះចូលរួមចំណែកយ៉ាងសកម្មរបស់អុំពូមីងក្នុងការកសាងស្នាដៃ និងគុណបំណាច់ជូនជាតិមាតុភូមិ ប្រកបដោយទឹកចិត្តស្នេហាជាតិ, ការលះបង់ និងពលិកម្មគ្រប់បែបយ៉ាងក្នុងការប្រយុទ្ធការពារជាតិ និងប្រជាជនកម្ពុជា ប្តូរយកសន្តិភាពធ្វើឱ្យប្រជាជនរស់ក្នុងសេចក្តីសុខសាន្ត ដូចសព្វថ្ងៃនេះ ។

សូមជឿជាក់លើការដឹកនាំរបស់សម្តេចតេជោនាយករដ្ឋមន្ត្រី សម្តេចនឹងនៅតែបន្តជួយដល់អុំពូមីងអតីតយុទ្ធជន នឹងនៅតែបន្តកសាងប្រទេស ហើយសូមអុំពូមីងជួយណែនាំអប់រំកូនចៅឱ្យយល់ពីតម្លៃនៃសន្តិភាព ដោយយើងត្រូវចូលរួមទាំងអស់គ្នាក្នុងការថែរក្សាសន្តិភាពជូនប្រទេសជាតិយើង ។ ក្រោមបរិយាកាសអំណោយផលនៃសុខសន្តិភាព និងស្ថិរភាព អ្វីៗមានលំនឹង មានមូលដ្ឋានរឹងមាំ អុំពូមីងអាចប្រើប្រាស់ទីកន្លែងនេះ ក្នុងពេលនេះ ដើម្បីចាប់ផ្តើមកសាងអនាគតប្រកបដោយភាពសុទិដ្ឋិនិ​យ​ម សម្រាប់អនាគតកូនចៅតទៅមុខ ។

ព័ត៌មានគួរចាប់អារម្មណ៍

ប្រធានាធិបតីអាមេរិកថ្លែងអំណរគុណ កម្ពុជាចំពោះការអនុញ្ញាតឱ្យនាវាទេសចរណ៍ Westerdam ចូលចត... (អគ្គនាយិកា 076 800 6666)

ព័ត៌មានគួរចាប់អារម្មណ៍

ព្រោះតែការធ្វើអាជីវកម្មបានជីកកកាយយកដីលក់ ធ្វើឱ្យភ្នំជាច្រើននៅក្នុងភូមិសាស្ត្រខេត្តកំពត ស្ទើបាត់រូបរាងអស់ទៅហើយ (ចាងហ្វាងកការផ្សាយ)

ព័ត៌មានគួរចាប់អារម្មណ៍

ក្រសួងព័ត៌មានថា នឹងបញ្ជូនគ្រូជំនាញ ទៅជួយបង្រៀនដល់អ្នកសារព័ត៌មានទាំងស្ថាប័នរដ្ឋ និង ឯកជន (ចាងហ្វាងកការផ្សាយ)

ព័ត៌មានគួរចាប់អារម្មណ៍

ក្រសួងទេសចរណ៍ បង្កើនវិធានការជំរុញ ចលនាទេសចរណ៍ ក្នុងស្រុក ខណៈទេសចរ អន្តរជាតិ ព្រួយបារម្ភលើការរាលដាល ជំងីផ្លូវដង្ហើមប្រភេទថ្មី.... (ចាងហ្វាងកការផ្សាយ)

ព័ត៌មានគួរចាប់អារម្មណ៍

ល្អណាស់ អាជ្ញាធរនៅច្រកទ្វារព្រំដែនអន្តរជាតិប៉ោយប៉ែត នឹងចែក ម៉ាសចំនួន១លាន រយៈពេល១ខែ ចាប់ពីថ្ងៃស្អែកតទៅ (ចាងហ្វាងកការផ្សាយ)

វីដែអូ