ថ្ងៃអង្គារ៍ ទី២២ ខែតុលា ឆ្នាំ២០៥០
ស្ថាននីយ៍ទូរទស្សន៍ មរតកខ្មែរ ធីវីអនឡាញ / Tel: 089 867 317 - 088 417 8517 - 015 883 917 / Telegram: 097 54 54 093
សម្តេច ហ៊ុន សែន បង្កេីតក្រុមការងារ អន្តរាគមន៍រុករក និង សង្គ្រោះគ្រោះមហន្តរាយពេលទឹកជំនន់
Wed,04 September 2019 (Time 07:01 PM)
ដោយ ៖ អគ្គនាយកទូរទស្សន៍mdktv online (ចំនួនអ្នកអាន: 23នាក់)

(ភ្នំពេញ) ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចបង្កើតក្រុមការងារចំនួនពីរក្រុម ដើម្បីបង្កើនប្រសិទ្ធភាពការងារសម្របសម្រួល អន្តរាគមន៍ ប្រតិបត្តិការរុករក និងសង្គ្រោះគ្រោះមហន្តរាយ ជាពិសេសបង្កើនការជួយសង្គ្រោះពេលមានគ្រោះមហន្តរាយកើតឡើងឱ្យមានប្រសិទ្ធភាព។

យោងតាមសេចក្តីសម្រេចរបស់សម្តេចតេជោ ហ៊ុន សែន ដែលអង្គភាពព័ត៌មាន Fresh News ទទួលបាននៅថ្ងៃទី០៤ ខែកញ្ញា ឆ្នាំ២០១៩នេះ បានឱ្យដឹងថា ក្រុមការងារសម្របសម្រួលគ្រប់គ្រងគ្រោះមហន្តរាយ និងក្រុមការងារអន្តរាគមន៍ ប្រតិបត្តិការរុករក និងសង្គ្រោះមហន្តរាយនេះ មានលោកទេសរដ្ឋមន្ត្រី គន់ គីម អនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្តរាយជាប្រធាន។
ក្នុងសេចក្តីសម្រេចនោះបានបញ្ជាក់ពីតួនាទីភារកិច្ចរបស់ក្រុមការងារនីមួយៗផងដែរ។ ក្នុងនោះក្រុមការងារសម្របសម្រួលការគ្រប់គ្រងគ្រោះមហន្តរាយមានភារកិច្ច៖
* ដឹកនាំសម្របសម្រួល និងសហការជាមួយក្រសួង ស្ថាប័នរាជរដ្ឋាភិបាល កាកបាទក្រហមកម្ពុជា ភ្នាក់ងារសហប្រជាជាតិ ដៃគូអភិវឌ្ឍន៍ អង្គការជាតិ អន្តរជាតិ និងវិស័យឯកជន ក្នុងការរៀបចំ និងដាក់ចេញនូវវិធានការត្រៀមរៀបចំ ឆ្លើយតប សង្គ្រោះគ្រោះមហន្តរាយ និងស្តារឡើងវិញ
* កៀរគរ សម្ភារបរិក្ខារ មធ្យោបាយ ធនធានមនុស្ស និងហរិញ្ញវត្ថុ និងទទួលយកមូលនិធិ ជាវិភាគទានស្ម័គ្រចិត្ត ឬអំណោយស្ម័គ្រចិត្តពីអង្គការជាតិ អន្តរជាតិ និងសប្បុរសជនក្នុងប្រទេស និងក្រៅប្រទេស សម្រាប់ការឆ្លើយតប សង្គ្រោះគ្រោះមហន្តរាយ និងស្តារឡើងវិញ
* ផ្សព្វផ្សាយសភាពការណ៍គ្រោះមហន្តរាយ និងប្រមូលព័ត៌មានពីខ្សែបណ្តោយ គណៈកម្មាធិការជាតិគ្រប់គ្រងគ្រោះមហន្តរាយ (អាជ្ញាធររាជធានី ខេត្ត ស្រុក ក្រុង ខណ្ឌ ឃុំ សង្កាត់) ក្រសួង ស្ថាប័នរាជរដ្ឋាភិបាល និងថ្នាក់តំបន់ ដើម្បីរៀបចំចងក្រងជាវិធានការឆ្លើយតបគ្រោះមហន្តរាយ 
* ណែនាំដល់ក្រសួង ស្ថាប័ន និងគណៈកម្មាធិការគ្រប់គ្រងគ្រោះមហន្តរាយថ្នាក់ក្រោមជាតិ ឱ្យរៀបចំ និងធ្វើបច្ចុប្បន្នភាពផែនការត្រៀមបម្រុងសម្រាប់ឆ្លើយតបគ្រោះមហន្តរាយ និងផ្ញើជូនមកគណៈកម្មាធិការជាតិគ្រប់គ្រងគ្រោះមហន្តរាយចំនួន១ច្បាប់នៅរៀងរាល់ដើមឆ្នាំ
* ប្រមូលព័ត៌មាន និងទិន្នន័យផលប៉ះពាល់ និងការខូចខាតបង្កដោយគ្រោះមហន្តរាយ ដោយជូនដំណឹងជាបន្ទាន់ ទៅគណៈកម្មាធិការជាតិគ្រប់គ្រងគ្រោះមហន្តរាយ ដើម្បីស្នើសុំរាជរដ្ឋាភិបាលផ្តល់អន្តរាគមន៍បន្ទាន់ និងអំពាវនាវដល់ក្រសួង ស្ថាប័ន កងកម្លាំងប្រដាប់អាវុធ ផ្នែកសាធារណៈ ផ្នែកេកជន សង្គមស៊ីវិលឱ្យជួយក្នុងប្រតិបត្តិការសង្គ្រោះបន្ទាន់ និងការឆ្លើយតបគ្រោះមហន្តរាយ
* អនុវត្តភារកិច្ចផ្សេងៗទៀតតាមការប្រគល់ជូនរបស់ប្រធានគណៈកម្មាធិការជាតិគ្រប់គ្រងគ្រោះមហន្តរាយ។
ដោយឡែកក្រុមការងារអន្តរាគមន៍ ប្រតិបត្តិការរុករក និងសង្គ្រោះមហន្តរាយវិញ មានតួនាទី៖
* ចូលរួមធ្វើប្រតិបត្តិការរុករក និង សង្គ្រោះគ្រោះមហន្តរាយ ដោយផ្តោតសំខាន់លើការការពារអាយុជីវិតប្រជាពលរដ្ឋរងគ្រោះ
* ចូលរួមអន្តរាគមន៍សង្គ្រោះប្រជាពលរដ្ឋរងគ្រោះដោយគ្រោះមហន្តរាយធម្មជាតិ និងមនុស្សនៅតំបន់ និងជុំវិញតំបន់ នៃកងឯកភាពខ្លួនទទួលខុសត្រូវ ទោះមានបទបញ្ជា ឬពុំទាន់មានបទបញ្ជារបស់ថ្នាក់លើក្តី ដោយសហការយ៉ាងជិតស្និទ្ធជាមួយ គណៈកម្មាធិការគ្រប់គ្រងគ្រោះមហន្តរាយថ្នាក់ក្រោមជាតិ និងអាជ្ញាធរមានសមត្ថកិច្ចនៅហ្នឹងកន្លែងកើតមានគ្រោះមហន្តរាយ
* សមាជិកនៃក្រុមការងារ ត្រូវរៀបចំ និងធ្វើបច្ចុប្បន្នភាព ផែនការត្រៀមបម្រុង សម្រាប់ការឆ្លើយតប និងការសង្គ្រោះគ្រោះមហន្តរាយតាមអង្គភាព និងស្ថាប័នរៀងខ្លួនៗ និងផ្ញើជូនមកគណៈកម្មាធិការជាតិគ្រប់គ្រងគ្រោះមហន្តរាយតាមអង្គភាព និងស្ថាប័នរៀងៗខ្លួន និងផ្ញើជូនមកគណៈកម្មាធិការជាតិគ្រប់គ្រងគ្រោះមហន្តរាយចំនួនមួយច្បាប់ នៅរៀងរាល់ដើមឆ្នាំ
* ត្រៀមកម្លាំង មធ្យោបាយ និងសម្ភារបិរក្ខារ ដើម្បីចូលរួមធ្វើអន្តរាគមន៍ រុករក និងសង្គ្រោះ ពេលមានគ្រោះមហន្តរាយកើតឡើង
* សម្របសម្រួលការងារ និងសហការជាមួយ ក្រសួង ស្ថាប័នពាក់ព័ន្ធ និងកាកបាទក្រហមកម្ពុជា ដើម្បីធ្វើប្រតិបត្តិការរុករក និងសង្គ្រោះគ្រោះមហន្តរាយទៅតាមនីតិវិធីដែលបានរៀបចំឡើង
* អនុវត្តភារកិច្ចផ្សេងៗទៀត តាមការប្រគល់ជូនរបស់ប្រធានគណៈកម្មាធិការជាតិគ្រប់គ្រងគ្រោះមហន្តរាយ។
ក្នុងសេចក្តីសម្រេចនេះ សម្តេចតេជោ ហ៊ុន សែន បានកំណត់ឱ្យក្រុមការងារទាំងពីរ ត្រូវប្រជុំយ៉ាងហោចណាស់២ដងក្នុងមួយឆ្នាំ ហើយក្នុងករណីចាំបាច់ត្រូវប្រជុំវិសាមញ្ញតាមការកោះអញ្ជើញរបស់ប្រធានក្រុមការងារ។
ប្រធានក្រុមការងារ ត្រូវគោរពស្នើសុំការអនុញ្ញាតជាគោលការណ៍ជាមុនពីប្រធានគណៈកម្មាធិការជាតិគ្រប់គ្រងគ្រោះមហន្តរាយមុនពេលកោះអញ្ជើញប្រជុំ និងមុនពេលប្រតិបត្តិការរុករក និងសង្គ្រោះគ្រោះមហន្តរាយ។ ពេលបញ្ចប់កិច្ចប្រជុំ និងកិច្ចប្រតិបត្តិការរុករក សង្គ្រោះគ្រោះមហន្តរាយ ប្រធានក្រុមការងារ ត្រូវធ្វើរបាយការណ៍លទ្ធផលជូនទៅប្រធានគណៈកម្មាធិការជាតិគ្រប់គ្រងគ្រោះមហន្តរាយ៕

ព័ត៌មានគួរចាប់អារម្មណ៍

ល្បីទៀតហេីយលោកសក្ក័៤ប៉េអឹម ត្រូវជាកូនប្រុសលោកមេប៉េអឹម ខេត្តក្រចេះ ខ្លួនជាមន្ត្រីអាវុធហត្ថដេីរវ៉ៃប្រជាពលរដ្នស្លូតត្រង់ និងដកកាំភ្លេីងភ្ជុងទៀត ពិតជាចរិកអន់មែន (អគ្គនាយកទូរទស្សន៍mdktv online)

ព័ត៌មានគួរចាប់អារម្មណ៍

ករណីឃាតកម្ម៧ឆ្នាំមុន ទៅលេីអ្នកកាសែតឈ្មោះ ហង្ស សេរីឧត្តម តេីមានពន្លឺយុត្តិធម៌ទេ..? តេីលោក គឹម រស្មី មានការពាក់ពន្ធ័ក្នុងករណីឃាតកម្មនេះដែរឬទេ..? (អគ្គនាយកទូរទស្សន៍mdktvonline)

ព័ត៌មានគួរចាប់អារម្មណ៍

លោក យី ថុល កំពុងធ្វេីឲ្យតម្លៃខ្លួនរបស់គាត់ល្បីរន្ទេី ខាងប្រព្រឹត្តអំពេីពុករលួយយ៉ាងពេញបន្ទុក និង បក្ខពួក ...? (អគ្គនាយកទូរទស្សន៍mdktv online)

ព័ត៌មានគួរចាប់អារម្មណ៍

ឃើញទុក្ខលំបាកប្រជាជន អភិបាលខេត្តព្រះវិហារ និងសមាគមដានីញ៉ែល ក្រុមការងារជាមួយសប្បុរសជនចុះចែកអំណោយជូនសហគមក្រីក្រ (អគ្គនាយកទូរទស្សន៍mdktvonline)

ព័ត៌មានគួរចាប់អារម្មណ៍

ទីតាំង អីនធឺណេត បង្កល្បែងសុីសងយុីហោ(K99-Cate)ប្រហែលជាមានខ្នងបង្អែកធំទេីបមិនហ៊ានបង្ក្រាប ឬ មួយជាឆ្នាំងបាយរបស់អស់លោកខណ្ឌដូនពេញ...? (អគ្គនាយកទូរទស្សន៍mdktv online)

វីដែអូ

ចំនួនអ្នកទស្សនា

ថ្ងៃនេះ :
11 នាក់
ម្សិលមិញ :
92 នាក់
សប្តាហ៍នេះ :
658 នាក់
ខែនេះ :
4258 នាក់
3 ខែនេះ :
14952 នាក់
សរុប :
102155 នាក់