ថ្ងៃសុក្រ ទី០៥ ខែមិថុនា ឆ្នាំ២០៥០
កម្មវិធីទូរទស្សន៏ មរតកខ្មែរ ( MDK TV online ) អគ្គនាយករងការផ្សាយ លោក គតិយុត្ត 097 33 11 660 / 096 33 11 600 ___ប្រធានរដ្ឋបាល លោក សុខ តារា 012 29 23 78 / 015 29 23 78 / 097 96 36 186 --ទំនាក់ទំនងផ្សាយពាណិជ្ជកម្ម 016 29 23 78 / 066 29 23 78 / 069 29 23 78 / 098 29 23 78 សូមអគុណ
ព្រោះតែការធ្វើអាជីវកម្មបានជីកកកាយយកដីលក់ ធ្វើឱ្យភ្នំជាច្រើននៅក្នុងភូមិសាស្ត្រខេត្តកំពត ស្ទើបាត់រូបរាងអស់ទៅហើយ
Sat,08 February 2020 (Time 09:52 PM)
ដោយ ៖ ចាងហ្វាងកការផ្សាយ (ចំនួនអ្នកអាន: 104នាក់)

(ខេត្តកំពត) បើយើងបានក្រឡេកមើលឃើញទិដ្ឋភាពភ្នំជាច្រើន នៅក្នុងភូមិសាស្ត្រខេត្តកំពត ត្រូវគេជីកកកាយយកអាចម៍ដី និងថ្មធ្វើជាអាជីវកម្ម ស្ទើតែបាត់រូបរាងបែបនេះ យើងពិតជាមានចិត្តសង្វេគខ្លាំងបំផុត ហើយចំពោះករណីការជីកកាយរំលើងយកអាចម៍ដីស្ទើដល់កំពូលភ្នំទៅហើយនោះ គេមិនទាន់ដឹងថា ក្រុមអ្នកធ្វើអាជីវកម្មមានអាជ្ញាប័ណ្ណឬគ្មាននោះឡើយ។

បើតាមប្រភពព័ត៌មានពីពលរដ្ឋដែលរស់នៅក្នុងទីរួមខេត្តកំពតបានលួចទម្លាយថា ភ្នំដែលកំពុងរងការជីកកាយយកអាចម៍ដី និងថ្មយ៉ាងពេញបន្ទុកនោះ ភាគច្រើនគឺនៅមិនឆ្ងាយពីទីប្រជុំជនខេត្តកំពតនោះឡើយ ដូចជាភ្នំជប់ ដែលស្ថិតក្នុងភូមិសាស្ត្រក្រុងកំពត និងភ្នំត្នោត ស្ថិតនៅឃុំថ្មី ស្រុកទឹកឈូ ខេត្តកំពត។ ក្រៅពីភ្នំដែលបានបង្ហាញខាងលើ ក៏មានភ្នំមួយទៀតដែលគេកំពុងធ្វើអាជីវកម្មយកអាចម៍ដីដឹកជញ្ជូនលក់យ៉ាងចំហដូចគ្នាដែរនោះ គឺភ្នំកកេះប៉ែកខាងត្បូង ដោយភ្នំកកេះនេះស្ថិតក្នុងភូមិអូរតូច សង្កាត់អណ្ដូងខ្មែរ ក្រុងកំពត ខេត្តកំពត។ បើតាមប្រភពដដែលបានបញ្ជាក់ផងដែរថា ចំពោះភ្នំកកេះដែលគេកំពុងយកគ្រឿងចក្រមកជីកកកាយស្ទីើរលាយបែបនេះក្តី ប៉ុន្តែហាក់មិនដែលឃើញផ្នែកជំនាញណាម្នាក់ទៅត្រួតពិនិត្យនោះឡើយ។ម្យ៉ាងទៀតក្រុមរថយន្តដឹកជញ្ជូនអាចម៍ដី ក៏បានបង្កហានិភ័យដល់ពលរដ្ឋរស់នៅក្បែរភូមិសាស្ត្រនោះផងដែរ ដូចជាការបង្ហុយធូលីដីមានសភាពហុយទ្រលោមចាប់ពីព្រឹកដល់ល្ងាចទៀតផង។ ប្រភពច្បាស់ការណ៍ខាងលើបានបង្ហើបឱ្យដឹងទៀតថា បច្ចុប្បន្នភ្នំកកេះត្រូវឈ្មួញយកគ្រឿងចក្រជីកកកាយយកដីលក់ស្ទើអស់មួយចំហៀងភ្នំទៅហើយតែហាក់ពុំដែលឃើញផ្នែកជំនាញណាម្នាក់ចុះទៅត្រួតពិនិត្យឡើយ។ ហើយភ្នំជប់និងភ្នំត្នោតមានការដ្ឋានចំនួន៣កន្លែង គឺការដ្ឋានដឹកដីមួយកន្លែងនិងការដ្ឋានបំផ្ទុះយកថ្មមានពីរកន្លែង ប៉ុន្តែគេមិនដឹងជាក្រុមហ៊ុនណាខ្លះទេ ដោយការដ្ឋានទាំងបីនេះបាននិងកំពុងតែធ្វើសកម្មភាពជីកកាយយកអាចម៍ដី និងថ្ម នៅចំណុចភ្នំខាងលើនោះ។

ទាក់ទិននឹងការជីកយកអាចម៍ដីស្ទើរលាយភ្នំស្ថិតក្នុងភូមិសាស្ត្រខាងលើ លោក សោម វិចិត្រ ប្រធានមន្ទីររ៉ែ និងឋាមពលខេត្តកំពត កន្លងមកលោកប្រធានធ្លាប់បានបញ្ជាក់ប្រាប់ កម្ពុជាថ្មីតាមទូរស័ព្ទថា តាមការពិតអ្នកធ្វើអាជីវកម្មយកដីនិងថ្មភ្នំខាងលើ សុទ្ធតែបានសុំច្បាប់អនុញ្ញាតត្រឹមត្រូវ ដោយការធ្វើអាជីវកម្មនេះមានអាជ្ញាប័ណ្ណដែលមានរយៈពេល៥០ឆ្នាំ ទើបអស់សុពលភាព។

លោកប្រធានមន្ទីររ៉ែ និងឋាមពលខេត្តកំពត ក៏បានរំលឹកដល់អ្នកកាសែតថា សូមកុំប្រើពាក្យជីកយកដីស្ទើរលាយភ្នំឱ្យសោះ ព្រោះភ្នំនិមួយៗដែលមានច្បាប់អនុញ្ញាតសុទ្ធតែមានរយៈពេលវែង ពោលគឺអាជ្ញាប័ណ្ណមានរយៈពេលចាប់ពី៥០ឆ្នាំឡើងទៅ ទើបផុតកាលកំណត់។

ជាមួយគ្នានេះ មជ្ឈដ្ឋានក្នុងខេត្តកំពត បានលើកឡើងថា សកម្មភាពជីកកាយយកអាចម៍ដីស្ថិតចំណុចភ្នំកកេះ ក្នុងភូមិអូរតូច សង្កាត់អណ្តូងខ្មែរ ក្រុងកំពត ត្រូវម្ចាស់គ្រឿងចក្រកាយយកដីស្មើនឹងចង្កេះភ្នំទៅហើយៗគេក៏ឆ្ងល់ថា តើអាជ្ញាប័ណ្ណដែលអនុញ្ញាតសម្រាប់ឱ្យធ្វើអាជីវកម្មនោះ មានដែនកំណត់ដែរឬទេ? ៕

ព័ត៌មានគួរចាប់អារម្មណ៍

សម្តេចតេជោ ហ៊ុន សែន អញ្ជើញចុះពិនិត្យផ្លូវថ្នល់ចាក់បេតុងចាប់ពីតំបន់ឆ្នេរសមុទ្ររាមឆ្ពោះមកកាន់ឆ្នេរអូត្រេះ និងអូឈើទាលនៅក្នុងខេត្តព្រះសីហនុ (អគ្គនាយិកា 076 800 6666)

ព័ត៌មានគួរចាប់អារម្មណ៍

ប្រាសាទ​ព្រះវិហារ​ ជា​កេរ្តិ៍​មរតក​ដូនតា​​និង​ជា​បេតិកភណ្ឌ​ពិភពលោក​ដ៏ល្បីល្បាញអស្ចារ្យ ជាសម្បត្តិមហាសាលរបស់មនុស្សជាតិមិនអាចកាត់ថ្លៃបានឡើយ (អគ្គនាយិកា 076 800 6666)

ព័ត៌មានគួរចាប់អារម្មណ៍

លោក គង់ សុភាព ប្រធានស្ថានី​យ៍​ជ​ញ្ជីងថ្លឹងរថយន្តថ្នល់ទទឹង ផ្លូវជាតិ​លេ​​​​ខ៧ កំពុងសម្ងំប្រមូលលុយធ្វើមា​ន ធ្វើបានមិនគិតពីផលប៉ះពាល់ដ​​ល់​អ្នកធ្វើដំណើរ (អគ្គនាយិកា 076 800 6666)

ព័ត៌មានគួរចាប់អារម្មណ៍

អ្នកនាំពាក្យ ក្រសួងយុត្តិធម៌ មន្ត្រីនគរបាលនឹងទទួលខុសត្រូវចំពោះមុខច្បាប់ នូវសកម្មភាពបំពានច្បាប់ក្នុងពេលបំពេញមុខងាររបស់ខ្លួន (អគ្គនាយិកា 076 800 6666)

ព័ត៌មានគួរចាប់អារម្មណ៍

ក្រសួងការងារ៖ មានកម្មកររោងចក្រមកពិនិត្យសុខភាព ៣១២នាក់ ដាក់ឱ្យធ្វើចត្តាឡីស័ក ៣១១នាក់ និងយកសំណាកទៅពិសោធន៍បន្តចំនួន ៧០នាក់ (ចាងហ្វាងកការផ្សាយ)

វីដែអូ